Halldór Stefán Haraldsson og Þórey Rósa Stefánsdóttir, landsliðsþjálfarar U20 kvenna hjá HSÍ, hafa valið Alexöndru Ósk Viktorsdóttur, Ásdísi Höllu Hjarðar og Birnu Maríu Unnarsdóttur til æfinga mánudaginn 13. október og til að taka þátt í tveimur vináttulandsleikjum við Grænland 16. og 18. október.

Grétar Áki Andersen og Sólveig Lára Kjærnested, landsliðsþjálfarar U18 kvenna hjá HSÍ, hafa valið Agnesi Lilju Styrmisdóttur og Klöru Káradóttur til æfinga 16.-19. október á höfuðborgarsvæðinu.

Rakel Dögg Bragadóttir, landsliðsþjálfari U16 kvenna hjá HSÍ, hefur valið Sóldísi Sif Kjartansdóttur og Tönju Harðardóttur til æfinga 17.-19. október á höfuðborgarsvæðinu.

Ásdís Sigurðardóttir og Sunna Jónsdóttir, landsliðsþjálfarar U15 kvenna hjá HSÍ, hafa valið Erlu Hrönn Unnarsdóttur, Lenu Maríu Magnúsdóttur og Siennu Björt Garner til æfinga 17.-19. október á höfuðborgarsvæðinu.

ÍBV óskar stelpunum innilega til hamingju með valið og óskar þeim góðs gengis!