ÍBV Íþróttafélag

Varnarmaðurinn Elísa Viðarsdóttir er nú í heimsókn hjá Margréti Láru systur sinn í Þýskalandi þessa dagana.  Elísu var í leiðinni boðið að æfa með einu besta félagsliði heims Posdam sem nýverið fékk Margréti Láru til liðs við sig.  Elísa fór utan á mánudag eftir að hafa staðið sig vel á æfingum með A-landsliðinu og kemur til baka á fimmtudag til að taka þátt í næstu æfingahelgi með A-landsliðinu sem undirbýr sig af kappi fyrir Algarve mótið í byrjun mars.

 

Það verður mikið um að vera hjá ÍBV-íþróttafélagi um helgina.  Samtals eru 11 hópar á ferðinni þannig að rútukostur félagsins dugar ekki til.  Mikil vinna fer í að púsla saman hvenær og hvert þarf að keyra hópunum og síðan þarf að sækja og koma þeim í Þorlákshöfn.  Það lítur út fyrir að næstu mánuðir verði þetta annasamir þar sem Íslandsmótið í handbolta stendur sem hæst, þá eru meistaraflokkarnir í fótbolta á fullu í Faxaflóamóti og fótbolti.net mótinu.  Þá er Faxaflóamót yngri flokka í fótbolta  í fullum gangi þannig það er líf og fjör í félaginu þessa stundina sem ávallt.