ÍBV Íþróttafélag

Lokastaðan komin inn!!!

 

 

 

 

Úrslitin eru ráðin í Peyjabankanum 2011

Ísland hefur formlega lokið þáttöku í þessari heimsmeistarakeppni 2011 og ég ætla að láta einhverja aðra um að krifja það. Þrátt fyrir að endanleg úrslit liggji ekki fyrir í mótinu sjálfu þá er kominn sigurvegari í Peyjabankanum 2011.

 

Peyjabankinn í ár var sá fjölmennasti frá upphafi en alls skilaði 131 handboltaspekingur úrslitum til okkar. Úrslitin réðust eins og svo oft áður á bónusspurningunum sem voru að þessu sinni fleiri en áður og þótti okkur í bankaráði Peyjabankans það takast vel.

 

Tölfræðingar Peyjabankans hafa legið yfir hugsanlegum niðurstöðum úrslitaleikjanna og það er nokkuð ljóst að þessum manni verður ekki haggað úr efsta sætinu hvernig sem þeir fara. Bankaráð Peyjabankans gerir sér fullkomlega grein fyrir því að þessi niðurstaða mun ekki verða öllum að skapi, sérstaklega á þessum síðustu og verstu tímum þegar krafan um gegnsæi og vinnubrögð laus við spillingu verðu æ háværari. Engu að síður er sigurvegarinn ótvíræður en það er enginn annar en bankastjóri Peyjabankans Sigurður Bragason. Óskum við honum innilega til hamingju.

Við gerum okkur grein fyrir því að við erum ekki fullkomnir og ef þú finnur einhverja villu (sem skiptir máli) þá mátt þú láta okkur vita af því. Við viljum að lokum þakka öllum þeim sem tóku þátt í þessu með okkur og vill deila því með ykkur að vinna við Peyjabankan 2012 er þegar hafin og ætla menn sér stór hluti að ári.  

Með kveðju
 
Sindri Ólafsson
Framkvæmdastjóri