Kvennalið ÍBV tók á móti ÍR í 2. deildinni í handbolta í kvöld. ÍR-ingar byrjuðu betur í leiknum, komust m.a. í 2:5 og var stuðningsmönnum ÍBV hætt að lítast á blikuna í upphafi leiks. En stelpurnar náðu fljótlega áttum, sigldu fram úr og voru þremur mörkum yfir í hálfleik, 17:14. Í síðari hálfleik náðu stelpurnar svo betri tökum á varnarleiknum og fengu fyrir vikið fjölmörg hraðaupphlaup sem skiluðu auðveldum mörkum. Lokatölur urðu 34:25.
Fréttir
28. febrúar 2010
Níu marka sigur hjá stelpunum
Kvennalið ÍBV tók á móti ÍR í 2. deildinni í handbolta í kvöld. ÍR-ingar byrjuðu betur í leiknum, komust m.a. í 2:5 og var stuðningsmönnum ÍBV hætt að lítast á blikuna í upphafi leiks. En stelpurnar náðu fljótlega áttum, sigldu fram úr og voru þremur mörkum yfir í hálfleik, 17:14. Í síðari hálfleik náðu stelpurnar svo betri tökum á varnarleiknum og fengu fyrir vikið fjölmörg hraðaupphlaup sem skiluðu auðveldum mörkum. Lokatölur urðu 34:25.
Þrátt fyrir sannfærandi sigur hafa Eyjastúlkur leikið betur í vetur. Varnarleikurinn í fyrri hálfleik var ekki mjög burðugur og slakt lið ÍR átti ekki í miklum vandræðum með að finna réttu leiðin í gegnum vörn ÍBV. Hins vegar lagaðist vörnin mikið í síðari hálfleik og var sérstaklega gaman að sjá hina ungu Sigríði Láru Garðarsdóttur stela hverjum boltanum á fætum öðrum. Hins vegar var nýting dauðafæra það sem helst fór úrskeiðis hjá ÍBV, eitthvað sem má ekki klikka gegn sterkari liðum en ÍR. Stelpurnar komust þó upp með það í kvöld, eins og áður sagði.
Mörk ÍBV:
| Guðbjörg | 13 |
| Sigríður Lára | 5 |
| Hekla | 5 |
| Kristrún | 4 |
| Anna María | 2 |
| Aníta | 2 |
| Sandra | 1 |
| Þórsteina | 1 |
| Rakel | 1 |
Vefsíðugerð & vefhönnun: Smartmedia © 2011